Puisi Bali Anyar
     
    Puisi Bali Anyar nenten kaiket antuk padalingsa utawi guru lagu. lengkarannyane bawak-bawak tur kruna-krunanyane madaging unteng manut imajinasi para pangawi.

Puisi Bali Anyar ketahnyane kawangun antuk:
- Murda (judul)
- Unteng (tema)
- Kanti suara/sajak
- Lengkara (kalimat)
- Wirasa/daya bayang
- Kosa basa (kosa kata)

Conto Puisi Bali Anyar

                                                   Dundun Galang Kangin
                                                                                           karya: Dode

Masunaran galang kangin
Pakrikik girang sang paksi
Nundun para jana sami
Mangda tangi tur mamargi

Kaja kangin ne kaungsi
Ngarereh amerta suci
Punika wantah isin gumi
Bekele idup iriki

Karereh sane maisi
Sampunang madasar iri
Mangdane becik pamargi
Ngarereh punika bati

Dharma dasar utamaning
Pang setata kasarengin
Olih Ida Sang Hyang Widhi
Rikala ngelarang bhakti